NAXÇIVAN :

16 Oktyabr 2024, Çərşənbə

Naxçıvanlı şagirdlər VII Robot Olimpiadasında  qalib olublar

...

"Şərq qapısı" xəbər verir ki, paytaxt  Bakı şəhərində   yeniyetmə və gənclər arasında keçirilən  VII Robot Olimpiadasına yekun vurulub.

Gənclər və İdman Nazirliyinin, Dünya Robot Olimpiadası Assosiasiyasının və Azərbaycan Robototexnika Mühəndisliyi Akademiyasının birgə təşkilatçılığı ilə keçirilən olimpiadada  Naxçıvan Muxtar Respublikası Təhsil Nazirliyinin tabeliyində fəaliyyət göstərən STEAM Təlim-Tədris Mərkəzinin 6 şagird və 3 mentordan ibarət komandaları iştirak edirdi.

Yarışın yekun nəticəsinə əsasən Mərkəzin ROGER adlı  komandası RoboSports kateqoriyası üzrə 3-cü yerin qalibi olub. Qeyd edək ki, komandanın üzvləri - Tayfun İmanlı,  Məhəmmədəli Məmmədov və Ələkbər Əliyevdir.
Nəşr edilib : 22.09.2024 16:58