NAXÇIVAN :

07 Aprel 2025, Bazar ertəsi

Naxçıvanda "Rəhbər şəxslər üçün idarəetmədə müasir yanaşmalar və emosional intellekt” mövzusunda təlim keçirilib

...

Fevralın 28-də Naxçıvan Təlim Mərkəzinin  təşkilatçılığı ilə keçirilən təlimdə mərkəzin  İdarə Heyətinin sədri Tağı Tağızadə çıxış edərək bildirib ki, təlimlərin keçirilməsində əsas məqsəd dövlət orqanlarında çalışan işçilərin, gənclərin peşəkar və şəxsi inkişafının dəstəklənməsidir. Qeyd olunub ki, mərkəz tərəfindən qısa müddət ərzində müxtəlif mövzularda təşkil edilən bir çox  təlimlərdən iştirakçılar faydalanıblar.
Tağı Tağızadə təlimin işinə uğurlar arzulayıb. 
Təlimçi uzun illərdir, müxtəlif universitetlərin MBA proqramlarında insan resurslarının idarə edilməsi, liderlik və təşkilatı davranış, beynəlxalq idarəetmə və strateji idarəetmə mövzularını tədris edən Allahverdi Bağırov olub. O, lider və menecerin fərqi, idarəetmədə müasir yanaşma, formal və informal liderlər, emosional intellekt, işçi heyətinin  inkişafı və digər mövzularda iştirakçılara məlumat verib. 
Təlimin gedişində iştirakçıların fikirləri dinlənilib, sualları cavablandırılıb. 
Qeyd edək ki, təlim iki hissədən ibarət olub. Birinci hissədə Naxçıvan Muxtar Respublikasında Azərbaycan Respublikası Prezidentinin səlahiyyətli nümayəndəliyinin əməkdaşları, nazir müavinləri, yerli icra hakimiyyəti və digər orqanların rəhbər şəxsləri, ikinci hissədə Naxçıvan Muxtar Respublikası Ali Məclisinin əməkdaşları, dövlət qurumlarında çalışan  şöbə və sektor müdirləri iştirak edib. 

Güntac ŞAHMƏMMƏDLİ

Nəşr edilib : 28.02.2025 17:57