NAXÇIVAN :

21 Aprel 2026, Çərşənbə axşamı

Yeni əkin mövsümündən Pircuvar Dövlət Meşəsinin sahəsi genişləndiriləcək

...

Payız əkin mövsümündə Pircuvar Dövlət Meşəsinin sahəsi genişləndiriləcək. Bununla bağlı Naxçıvan Muxtar Respublikası Ekologiya və Təbii Sərvətlər Nazirliyinin Meşələrin İnkişafı və Biomüxtəlifliyin Qorunması İdarəsi tərəfindən torpaq hazırlıq işləri görülüb. Ərazidə texnikaların köməyi ilə çalalar qazılıb, arxlar çəkilib və digər zəruri işlər icra olunub.
Məlumat üçün bildirək ki, bu il meşəsalma və meşəbərpa tədbirlərinin həyata keçirilməsi ilə bağlı ilkin qiymətləndirmə işləri aparılıb, ərazilər müəyyənləşdirilərək KMZ formatda xəritələri hazırlanıb.
Qeyd edək ki, “Konstitusiya və Suverenlik İli” və “Naxçıvan Muxtar Respublikasının sosial-iqtisadi inkişafına dair 2023-2027-ci illər üçün Dövlət Proqramı”nın 2025-2027-ci illər üzrə Təfsilatlı Tədbirlər Planına uyğun olaraq yaz əkin mövsümündə Ekologiya və Təbii Sərvətlər Nazirliyi tərəfindən 115 hektarda 995 kq toxum və 27000 ting əkilib. İl ərzində isə 408 hektarda 118 mindən çox ting əkilməsi, 58 hektarda isə yeni bağların salınması planlaşdırılır.

Nəşr edilib : 24.09.2025 20:09