NAXÇIVAN :

03 Dekabr 2024, Çərşənbə axşamı

Şərurlu gənc futbolçu milli komandaya cəlb olunub

...

 18 yaşadək futbolçulardan ibarət Azərbaycan milli komandası Monteneqronun paytaxtı Podqoritsada təlim-məşq toplanışı keçib. Toplanış üçün milli komandamızın heyətinə cəlb olunmuş futbolçular arasında Şərur Rayon Uşaq-Gənclər İdman Məktəbinin yetirməsi Həsən Əliyev də olub. 
Şəxsi məşqçisi Rəşad Heydərovun verdiyi məlumata əsasən Həsən Əliyev 2017-ci ildən 2021-ci ilədək “Şərur UGİM” komandasında çıxış edib. İstedadlı oyunçu hazırda 2021-ci ilin avqust ayında transfer olduğu “Zirə”nin U18 komandasında karyerasını davam etdirir. Cinah yarımmüdafiəçisidir.
Əlavə edək ki, millimiz Podqoritsadakı hazırlıq çərçivəsində oktyabrın 29-da və 31-də Monteneqronun müvafiq yaş qrupundan ibarət komandası ilə iki yoldaşlıq oyunu keçirib. İlk görüşdə meydan sahibləri 2:0 hesabı ilə üstün olub. Növbəti matçda millimiz 2:1 hesablı qələbəyə nail olub.

Nəşr edilib : 01.11.2024 13:09