NAXÇIVAN :

21 Dekabr 2024, Şənbə

“Qoca Şərqin qapısı” qısametrajlı filmlər müsabiqəsinə yekun vurulub

...

"Şərq qapısı" xəbər verir ki, Naxçıvan Dövlət Film Fondu tərəfindən 1 oktyabr 2024-cü il tarixdə elan olunmuş “Qoca Şərqin qapısı” qısametrajlı filmlər müsabiqəsinə 16 dekabr 2024-cü il tarixdə yekun vurulub. 
18 dekabr 2024-cü il tarixdə müsabiqəyə təqdim olunmuş filmlərə münsiflər heyəti tərəfindən baxış keçirilib. 
20 dekabr 2024-cü il tarixdə Naxçıvan Dövlət Film Fondunda müsabiqədə qalib olan müəlliflərin mükafatlandırma mərasimi təşkil olunub. 
Müsabiqə peşəkar və həvəskar olmaqla, iki kateqoriya üzrə keçirilmişdir. Müsabiqəyə peşəkar kateqoriya üzrə 5 film, həvəskar kateqoriya üzrə isə 7 film təqdim olunmuşdur. Hər iki kateqoriyada filmlər ən yaxşı rejissor işi, ən yaxşı operator işi və ən yaxşı ssenari üzrə qiymətləndirilib. 
Qalib filmlər mükafatlandırma mərasimində yenidən nümayiş olunub. 
Sonda qaliblər Naxçıvan Dövlət Film Fondunun diplomları və pul mükafatları ilə təltif olunublar.

Nəşr edilib : 20.12.2024 18:55