NAXÇIVAN :

21 Noyabr 2024, Cümə axşamı

“Qanlıgöl” sututarında təmir-bərpa işləri aparılıb

...

Naxçıvan Muxtar Respublikası Dövlət Su Ehtiyatları Agentliyi tərəfindən Şahbuz rayonunun ərazisində yerləşən “Qanlıgöl” sututarının suburaxıcı qülləsi təmir olunub.

Agentliyin mətbuat xidmətindən "Şərq qapısı"na bildirilib ki, uzun müddət təmir olunmadığından sututarının suburaxıcı qülləsi istifadəyə yararsız hala düşüb. Belə ki, suburaxıcı qüllə ətrafında sızmaların qarşısını alacaq beton istinad divarları tikilməyib, daşlarla hörülmüş divarlarda isə zaman keçdikcə suyun təsirindən çatlar yaranıb. Eyni zamanda qüllənin bəndlə təmas yerlərindəki boşluqlar səbəbindən bəndin ötürücü qurğusunda sızmalar baş verib. Sızmanın aradan qaldırılması və dayanıqlığın təmin olunması istiqamətində suburaxıcı qüllənin dib ətrafı boyu beton konstruksiyalarla istinad divarları  tikilərək bərpa edilib.
Həcmi 0,85 milyon kubmetr olan sututarı dəniz səviyyəsindən 2424 metr yüksəklikdə 1864-cü ildə Naxçıvanın görkəmli şəxsiyyətlərindən olan Kalbalı xan Kəngərlinin himayəsi ilə tikilib. Ətraf ərazilərin içməli su təminatında da istifadə olunan “Qanlıgöl” vasitəsilə 350 hektar əkin sahəsi suvarılır.
Nəşr edilib : 16.11.2024 17:53