NAXÇIVAN :

23 Noyabr 2024, Şənbə

Nazir müavini: Azərbaycanda yeni yaşıl iqtisadiyyatın yaradılması istiqamətində mühüm işlər görülür

...

Azərbaycan iqlim dəyişikliyi ilə mübarizədə yeni çağırışlara adekvat reaksiya verən ölkələrdən biridir.

Bu fikirləri iqtisadiyyat nazirinin birinci müavini Sahib Ələkbərov "İqlim dəyişmələri və ədalətli keçid: həmkarlar ittifaqlarının rolu və fəaliyyətləri" mövzusunda sentyabrın 26-da Bakıda keçirilən beynəlxalq konfransda səsləndirib.

O deyib ki, bərpaolunan enerji, qaz emissiyalarının azaldılması hazırda mühüm əhəmiyyət kəsb edir.

İqlim dəyişikliyi ilə bağlı Paris sənədinin ölkəmizdə ratifikasiya edildiyini xatırladan S.Ələkbərov bildirib ki, Azərbaycan 2030-cu ilə qədər istixana qazlarının miqdarının 35 faiz azaldılmasını hədəfləyir. Diqqətə çatdırıb ki, işğaldan azad edilmiş Qarabağın və Şərqi Zəngəzurun 2050-ci ilədək “Netto sıfır emissiya” zonasına çevrilməsi nəzərdə tutulur.

Nazir müavini bildirib ki, həmin ərazilərdə bərpaolunan və yaşıl enerjinin əldə edilməsi istiqamətində müxtəlif layihələr həyata keçirilir.

S.Ələkbərov yeni yaşıl iqtisadiyyatın yaradılmasında görülən işlərdən də danışıb.

Nəşr edilib : 26.09.2024 11:35