NAXÇIVAN :

20 Yanvar 2026, Çərşənbə axşamı

Naxçıvanlı cüdoçular Türkiyədə keçirilən beynəlxalq turniri uğurla tamamlayıblar

...

Naxçıvan Muxtar Respublikası Gənclər və İdman Nazirliyinin mətbuat xidmətindən “Şərq qapısı” na verilən məlumata görə, Türkiyənin Samsun şəhərində "Uluslararası Karadeniz Judo Şampiyonası"  turniri keçirilib. Beynəlxalq yarışda məşqçi Xəyal Qəhrəmanovun rəhbərliyi ilə Naxçıvan Uşaq Gənclər-İdman Məktəbindən 1 qız və 8 oğlan cüdoçu iştirak edib.

Təmsilçilərimiz 6-sı qızıl, 1-i gümüş, 1-i bürünc olmaqla, ümumilikdə, 8 medal qazanıblar. Bu göstəricilər komanda hesabında da müsbət təsirini göstərib. U-13 yaş qrupunda birincilik, U-15 yaş qrupunda isə üçüncülük əldə olunub.

Yarışda İlham Nəcəfov (2013-2014, 23 kq), Şahin Quliyev (2013-2014, 26 kq), Ziya Əsədli (2013-2014, 30 kq), Ayaz Əliyev (2013-2014, 30 kq), Pərvin İsmayılov (2013-2014, 38 kq) və Yusif Əsədli (2010-2011, 55 kq) bütün rəqiblərinə qalib gələrək qızıl medal qazanıblar.
Digər idmançılardan Sübhan Əkbərov (2013-2014, 23 kq) gümüş, Mürsəl Qafarli (2013-2014, 26 kq) isə bürünc medalla kifayətlənib.

Nəşr edilib : 28.08.2025 14:57