NAXÇIVAN :

17 Yanvar 2025, Cümə

Naxçıvanda yaradılan İmtahan Mərkəzində müxtəlif profilli imtahanlar təşkil edilir

...

“Naxçıvan Muxtar Respublikasının sosial-iqtisadi inkişafına dair 2023-2027-ci illər üçün Dövlət Proqramı”na uyğun olaraq ötən il Naxçıvan Muxtar Respublikası Təhsil Nazirliyinin tabeliyində İmtahan Mərkəzi yaradılıb. 
Azərbaycan Respublikası Elm və Təhsil Nazirliyinin dəstəyi və Naxçıvan Muxtar Respublikası Təhsil Nazirliyinin təşkilatçılığı ilə yaradılan mərkəzdə 300-dən artıq namizəd eyni anda imtahanda iştirak edə bilir. 
Mərkəzdə müasir tələblərə cavab verən elektron daşıyıcılar, səs və görüntüləri qeyd edən veb-kameralar quraşdırılıb. 
Mərkəzdə bu günə kimi müəllimlərin sertifikatlaşdırma prosesi, müəllimlərin və məktəb direktorlarının, məktəbəqədər təhsil müəssisələrinin metodist və tərbiyəçi müəllimlərinin işə qəbulu təşkil olunub. 
Qeyd edək ki, Naxçıvan şəhər 4 nömrəli tam orta məktəbin binasında yaradılan bu mərkəzin imkanlarından Azərbaycan Respublikası Dövlət İmtahan Mərkəzi istifadə edir.

Nəşr edilib : 17.01.2025 10:54