Naxçıvanda Həmrəylik Günü və Yeni il münasibətilə atəşfəşanlıq olub

31 Dekabr – Dünya Azərbaycanlılarının Həmrəyliyi Günü və Yeni ilin gəlişi Naxçıvan şəhərində qeyd edilib.
“Şərq qapısı” xəbər verir ki, muxtar respublikanın dövlət və hökumət nümayəndələri, minlərlə sakin və qədim diyarın qonaqları şəhərin baş meydanında "Snowfest" çərçivəsində təşkil olunan bayram konsertini izləyib, müğənni Elnur Məmmədovun rəngarəng ifalarını dinləyiblər.
Prezident cənab İlham Əliyevin 31 Dekabr – Dünya Azərbaycanlılarının Həmrəyliyi Günü və Yeni il münasibətilə Azərbaycan xalqına müraciəti meydanda quraşdırılan monitor vasitəsilə yayımlanıb.
Yeni ilin gəlişi münasibətilə Naxçıvan şəhərində möhtəşəm atəşfəşanlıq olub. Muxtar respublika sakinləri 2025-ci ili həmrəy şəkildə, xoş ovqatla qarşılayıblar.