NAXÇIVAN :

05 Aprel 2025, Şənbə

Naxçıvan şəhərində cüdo üzrə açıq birincilik keçirilib

...

Naxçıvan Muxtar Respublikası Gənclər və İdman Nazirliyinin "İdman həftəsi" adlı tədbirlər proqramına uyğun olaraq 5 mart – Bədən Tərbiyəsi və İdman Günü ilə bağlı fəaliyyətlər davam etməkdədir.
Martın 4-ü İlham Əliyev adına Olimpiya İdman Kompleksində 2011-2013-cü il təvəllüdlü oğlan və qız cüdoçular arasında Naxçıvan şəhər açıq birinciliyi keçirilib. Gənclər və İdman Nazirliyi və Azərbaycan Cüdo Federasiyasının (ACF) dəstəyi, Naxçıvan Şəhər Gənclər və İdman İdarəsi ilə Naxçıvan Şəhər Uşaq-Gənclər İdman Məktəbinin birgə təşkilatçılığı əsasında reallaşan yarışda 12 çəki dərəcəsi üzrə, ümumilikdə, 81 idmançı mübarizə aparıb. ACF nümayəndəsi Natiq Bağırovun da iştirak etdiyi tədbirdə, federasiyanın beynəlxalq dərəcəli hakimləri Arzu Acalova və Bəhriyyə Hüseynova yarışda hakimlik ediblər. 
Nəticələrə gəldikdə, Ayaz Əliyev (30 kq), Yusif Əhmədli (34 kq), Mətin Salahov (38 kq), Rauf Hacızadə (42 kq), Fuad Cəlilzadə (46 kq), Elman Rzazadə (50 kq), İsmayıl Şükürlü (55 kq), Yusif Əsədli (60 kq), Nadir Məmmədov (66 kq), Səccad Heydərov (66+ kq), qızlar arasında Sona Bağırova (36 kq) və Mələk Novruzova (40 kq) müvafiq kateqoriya və çəki dərəcələrində birinci olublar. İlk üç yerin sahiblərinə diplom və medallar təqdim olunub. 
Qeyd edək ki, "İdman həftə"si çərçivəsində martın 5-i idman ictimaiyyəti ilə görüş keçiriləcək, mükafatlandırma tədbiri ilə həftəyə yekun vurulacaq.

Nəşr edilib : 04.03.2025 17:20