NAXÇIVAN :

03 Aprel 2025, Cümə axşamı

Naxçıvan Dövlət Universitetinin tələbələri EMSA Buxarest Tvinninq Mübadilə proqramında iştirak ediblər

...

Martın 22-dən 29-dək Naxçıvan Dövlət Universitetinin EMSA üzvü olan Tibb fakültəsinin Müalicə işi ixtisası üzrə 11 tələbəsi EMSA Buxarest Tvinninq Mübadilə proqramı vasitəsilə Rumıniyanın paytaxtı Buxarest şəhərində olublar.
“Şərq qapısı” xəbər verir ki, tələbələr UMFCD – Buxarestin "Carol Davila" Tibb və Əczaçılıq Universitetində, UMFCD Universitetində praktiki anatomiya dərsində iştirak ediblər. Eyni zamanda UMFCD Tədris Xəstəxanasında  ortopedik əməliyyatlar və  laporoskopiya üzrə simulyasiyaya dair təlim alıblar.
 Həmçinin onlar ümumi cərrahi əməliyyatlarda müşahidələr aparıblar.  Mübadilə proqramında iştirak edən tələbələr üçün Buxarest şəhərində mədəni, sosial proqramlar və gəzintilər də təşkil olunub.
Qeyd edək ki, mübadilə proqramına uyğun olaraq 6-13 may 2025-ci il tarixlərdə isə Buxarestdən 11 tələbənin Naxçıvan Dövlət Universitetinə gəlməsi gözlənilir.

Aidə İBRAHİMOVA

Nəşr edilib : 01.04.2025 20:13