NAXÇIVAN :

30 Yanvar 2025, Cümə axşamı

Kəngərli rayonunda da şəffaf seçki prosesi müşahidə olunur

...

Səhər saatları olmasına baxmayaraq, 3 saylı Babək-Şahbuz-Kəngərli və 2 saylı Şərur-Kəngərli seçki dairəsi üzrə Kəngərli rayonununda yerləşən seçki məntəqələrində də fəal seçici sıxlığı müşahidə olunur.  Məlumat üçün bildirək ki,  3 saylı Babək-Şahbuz-Kəngərli seçki dairəsi üzrə Kəngərli  rayonunda 1-i qapalı olmaqla, 6 məntəqə yaradılıb. 5 daimi seçki  məntəqəsi üzrə 2795 kişi seçici olmaqla, ümumilikdə, 5667 seçici, müvəqqəti yaradılan 1 qapalı seçki məntəqəsi üzrə isə 195 seçici qeydiyyata alınıb. Həmin dairə üzrə Kəngərli rayonunda 11 nəfər ilk dəfə seçki hüququndan istifadə edəcək.

2 saylı Şərur-Kəngərli seçki dairəsi üzrə isə Kəngərli rayonunda 1-i müvəqqəti olmaqla, ümumilikdə, 16 məntəqə üzrə 15 min 644 seçici qeydiyyata alınıb. Həmin seçki dairəsi üzrə 125 nəfər ilk dəfə seçki hüququndan istifadə edəcək. Qeyd edək ki, ən yaşlı seçici Kəngərli rayon Qıvraq qəsəbəsində yerləşən 2-44 saylı məntəqə üzrə qeydiyyata alınan 1920-ci il təvəllüd Hüseynəliyeva Şərəf Muxtar qızıdır.
2 saylı Şərur-Kəngərli seçki dairəsi üzrə Kəngərli rayonunda yerləşən məntəqələr üzrə 2 veb-kamera quraşdırılıb.

Rafiq TƏHMƏZ

Nəşr edilib : 29.01.2025 08:31