NAXÇIVAN :

22 Aprel 2026, Çərşənbə

Fərid Bağırzadə Naxçıvan MR-in əmək və əhalinin sosial müdafiəsi naziri təyin edilib

...

Naxçıvan Muxtar Respublikası Ali Məclisinin Qərarı ilə Fərid Talətdin oğlu Bağırzadə Naxçıvan MR-in əmək və əhalinin sosial müdafiəsi naziri təyin edilib.

Fərid Bağırzadə 1994-cü ildə anadan olub. 2016-cı ildə Bakı Dövlət Universitetinin İnformasiya texnologiyaları ixtisası üzrə bakalavr pilləsini, 2021-ci ildə Sumqayıt Dövlət Universitetinin İdarəetmədə informasiya sistemləri ixtisası üzrə magistr pilləsini bitirib.

2016-2018-ci illərdə özəl sektorda, 2019-2023-cü illərdə Azərbaycan Respublikası Əmək və Əhalinin Sosial Müdafiəsi Nazirliyinin tabeliyindəki DOST Agentliyində müxtəlif vəzifələrdə çalışıb.

2023-2024-cü illərdə Naxçıvan MR-in Əmək və Əhalinin Sosial Müdafiəsi Nazirliyinin Aparat rəhbəri, hazırkı vəzifəsinə qədər isə Naxçıvan MR-in əmək və əhalinin sosial müdafiəsi nazirinin müavini vəzifəsində işləyib, həmçinin nazir vəzifəsini müvəqqəti icra edib.

Nəşr edilib : 04.03.2026 16:23