NAXÇIVAN :

22 Aprel 2026, Çərşənbə

ANAMA: Ötən həftə 109 mina və 1286 partlamamış hərbi sursat zərərsizləşdirilib

...

Azərbaycan Respublikasının Minatəmizləmə Agentliyi (ANAMA) işğaldan azad edilmiş ərazilərdə minatəmizləmə fəaliyyətinə cəlb olunmuş qurumlar tərəfindən sentyabrın 15-21-də icra edilən minatəmizləmə əməliyyatlarına dair məlumat açıqlayıb.

"Şərq qapısı" xəbər verir ki, ANAMA-dan bildirilib ki, ötən həftə Tərtər, Ağdərə, Kəlbəcər, Ağdam, Xocalı, Xankəndi, Xocavənd, Laçın, Şuşa, Füzuli, Qubadlı, Cəbrayıl və Zəngilanda aparılmış minatəmizləmə əməliyyatları zamanı piyadaəleyhinə 95, tankəleyhinə 14 mina və 1286 partlamamış hərbi sursat aşkarlanaraq zərərsizləşdirilib.

Ötən həftə ərzində 1130,6 hektar ərazi mina və partlamamış hərbi sursatdan təmizlənib.

Nəşr edilib : 22.09.2025 15:32