Ağdamın daha iki kəndində açıq ərazilərdə yanğın başlayıb – YENİLƏNİB

Ağdam rayonunun işğaldan azad olunmuş Baş Qərvənd və Cəvahirli kəndlərinin açıq ərazilərində yanğın başlayıb.

"Şərq qapısı" xəbər verir ki, Dövlət Yanğından Mühafizə Xidmətinin qüvvələri hadisə yerinə cəlb olunub.

Hazırda yanğının söndürülməsi istiqamətində əməliyyat davam etdirilir.

14:21

Ötən gün Ağdam rayonunun Mərzili kəndi ərazisində başlayan yanğın Bağbanlar, Saybalı, İsmayılbəyli və Pirzadlı kəndləri istiqamətində genişlənib.

"Şərq qapısı" xəbər verir ki, Fövqəladə Hallar Nazirliyinin Dövlət Yanğından Mühafizə Xidmətinin qüvvələri hadisə yerinə cəlb olunub.

Ərazilərin minalanmış olması yanğınla mübarizə tədbirlərini mürəkkəbləşdirir.

Hazırda yanğınların söndürülməsi istiqamətində əməliyyat davam etdirilir.

Nəşr edilib : 29.07.2026 16:30

PAYLAŞ:

Digər xəbərlər