NAXÇIVAN :

03 Dekabr 2024, Çərşənbə axşamı

100 illik yubileyə həsr olunmuş basketbol yarışının qalibi bəlli olub

...

"Şərq qapısı" xəbər verir ki, noyabrın 1-də ümumtəhsil məktəblərinin oğlanlardan ibarət basketbol komandaları arasında Naxçıvan Muxtar Respublikasının 100 illik yubileyinə həsr olunmuş muxtar respublika birinciliyinin final görüşü keçirilib. Naxçıvan Dövlət Universitetinin İdman Kompleksində keçirilən yarışın  həlledici qarşılaşmasında “Naxçıvan” və “Culfa” komandaları meydana çıxıb. Rəqibindən üstün oyun nümayiş etdirən Naxçıvan şəhər məktəbliləri qələbə qazanmaqla yarışın qalibi olublar. Bununla da “Naxçıvan” birinci, “Culfa” ikinci, “Ordubad” isə üçüncü yerə sahib çıxıb. 
Final görüşündən sonra ilk üçlükdəki komandalar mükafatlandırılıblar. Komandaların üzvlərinə diplom, medal və hədiyyələr təqdim edilib. Mükafatları Naxçıvan Muxtar Respublikasının gənclər və idman naziri səlahiyyətlərinin icraçısı, nazir müavini Məcid Seyidov və Naxçıvan Basketbol Federasiyasının sədri Elbrus İsayev təqdim ediblər. 
Naxçıvan Muxtar Respublikası Gənclər və İdman, Təhsil nazirlikləri və Naxçıvan Basketbol Federasiyası tərəfindən birgə təşkil olunan yarış 100 illik yubileyin yeniyetmə və gənc basketbolçular arasında qeyd olunması, onların oyun təcrübəsinin artırılması və yeni istedadların kəşfi məqsədinə xidmət edib.

Nəşr edilib : 01.11.2024 19:46