NAXÇIVAN :

15 Yanvar 2025, Çərşənbə

Ümumdünya Uşaq İxtirası Günü ilə əlaqədar tədbir keçirilib

...

"Şərq qapısı" xəbər verir ki, A.Babayev adına Naxçıvan Muxtar Respublika Uşaq Kitabxanasında  Ümumdünya Uşaq İxtirası Günü ilə əlaqədar bacarıqlı uşaqların əl işlərindən ibarət tədbir keçirilib. 
Tədbiri əvvəlcə kitabxananın direktoru Ruzi Süleymanov açaraq qeyd edib ki, bu günün təsis edilməsi, uşaqların elmi və texnoloji sahələrə olan marağını artırmaq və onları bu sahələrdə gələcək ixtiraçılar və yenilikçilər kimi inkişaf etdirmək məqsədinə xidmət edir.
Kitabxananın Komplektləşdirmə, kataloqlaşdırma və kitabişləmə şöbəsinin böyük kitabxanaçısı Tərlan Məsumlu “Uşaqların maraq dünyası – Uşaq İxtirası Günü”  adlı məruzə ilə çıxış edərək bildirmişdir ki, uşaqların maraq dünyası təbii, geniş və sonsuzdur. Maraqlar, uşaqların yalnız öyrənmə prosesini deyil, həm də onların həyatındakı münasibətlərinə, sosial davranışlarına və dünyaya baxışlarına təsir edir.
  Heydər Əliyev adına Uşaq-Gənclər Yaradıcılıq Mərkəzinin metodisti Hümbətova Gülsüm “Gənc ixtiraçılarımız ” mövzusunda  çıxış edərək bildirmişdir ki, Ümumdünya Uşaq İxtirası Günü uşaqların ixtiraçılıq və elmi düşüncə bacarıqlarını inkişaf etdirmək, onların yaradıcı potensialını təşviq etmək məqsədilə qeyd olunur. Bu gün onların yeni ideyalar yaratmalarına və mövcud problemlərə  yaradıcı həllər tapmalarına şərait yaradır.
Sonda uşaqların səsləndirdiyi şeirlər dinlənilərək bacarıqlı uşaqların əl işlərindən ibarət sərgiyə baxış keçirilib.

Nəşr edilib : 15.01.2025 20:17