NAXÇIVAN :

07 Noyabr 2024, Cümə axşamı

Şərur rayonunun kəndlərində elektrik təsərrüfatları yenidən qurulur

...

Naxçıvan Muxtar Respublikası Dövlət Energetika Xidməti tərəfindən muxtar respublikanın rayon və kəndlərini dayanıqlı elektrik enerjisi ilə təmin etmək məqsədilə elektrik təsərrüfatları yenidən qurulur.
"Şərq qapısı" xəbər verir ki, hazırda muxtar respublikanın ən böyük rayonu olan Şərurda elektrik təsərrüfatlarının yenilənməsi istiqamətində işlər aparılır. 
Qeyd edək ki, rayonunun 16 kəndində elektrik təsərrüfatının yenilənməsi başa çatıb, 10 kəndində isə kabelləşmə işləri aparılır.
Ümumilikdə 2892 abonentin elektrik enerjisi təminatını yaxşılaşdırmaq məqsədilə 65.5 kilometr məsafədə SİP kabel çəkilib, 236 yeni elektrik dirəkləri basdırılıb. 
Şərur şəhərində isə 1591 abonentin elektrik enerjisi verilişini daha keyfiyyətli etmək məqsədi ilə 13 kilometr məsafədə SİP kabel çəkilib, 14 yeni elektrik dirəkləri basdırılıb.
Qeyd edək ki, genişmiqyaslı yenilənmə işləri muxtar respublikanın bütün rayonlarında eyni vaxtda aparılır. 
Görülən işlər əhalinin daha keyfiyyətli və dayanıqlı elektrik enerjisi ilə təminatına imkan yaradacaq, elektrik enerjisi itkilərini minumuma endirəcək.
Nəşr edilib : 06.11.2024 20:03