NAXÇIVAN :

08 May 2025, Cümə axşamı

Sahibə Qafarova: Heydər Əliyev şəxsiyyəti hər bir azərbaycanlı üçün müdriklik, vətənə sədaqət rəmzidir

...

Heydər Əliyev şəxsiyyəti hər bir azərbaycanlı üçün müdriklik, əzmkarlıq və vətənə sədaqət rəmzidir.

"Şərq qapısı" xəbər verir ki, bunu Milli Məclisin sədri Sahibə Qafarova parlamentin bu gün keçirilən xüsusi iclasında deyib.

O qeyd edib ki, Ulu Öndərin Azərbaycan xalqı qarşısında ən böyük xidmətlərindən biri müstəqil Azərbaycanın ilk konstitusiyasının hazırlanmasıdır:

“1995-ci ildə qəbul edilən ali sənəd dünyanın ən demokratik konstitusiyaları ilə müqayisə oluna bilər. Ulu Öndərin başlatdığı işləri layiqincə davam etdirən Prezident İlham Əliyevin rəhbərliyi ilə Azərbaycanın uğurları, misilsiz tarixi qələbələri ilə davam etdirilib. Azərbaycan hazırda Avrasiyanın önəmli energetika mərkəzinə çevrilib. Müxtəlif sahələrə böyük investisiyalar qoyulub. Ölkəmiz Qoşulmama Hərəkatı və digər beynəlxalq təşkilatlarda mövqeyini gücləndirib, sammit və beynəlxalq tədbirlərin keçirildiyi məkana çevrilib”.

Nəşr edilib : 08.05.2025 11:17