NAXÇIVAN :

21 Dekabr 2024, Şənbə

Növbəti xalq teatrı teatrsevərlərə təqdim edilib

...

"Şərq qapısı" xəbər verir ki, Şahbuz Rayon Mədəniyyət Sarayında Şahbuz Rayon Xalq Teatrı İsi Məlikzadənin ''Subaylarınızdan görəsiniz'' komediyası əsasında hazırladığı  tamaşasını teatrsevərlərə təqdim edib.
 Tamaşaya Şahbuz Rayon Mədəniyyət Sarayının bədii rəhbəri, rejissoru Bayram Bağırovun quruluş verdiyi səhnə əsərinin quruluşçu rəssamı Səadət Abdinova, musiqi tərtibatçısı Muxtar Bağırovdur. 
Tamaşada rolları Bayram Bağırov, Səadət Abdinova, Elbəyi Qəhrəmanov, Amil Əsgərov, İlahə Səfiyeva, Tahirə Hacıyeva, Allahverdi Yolçuyev, Səfər Həziyev canlandırıblar.
Qeyd edək ki, səhnə əsərinin əsas süjet xəttini iki qonşu arasında gərgin ailə münasibətləri təşkil edir. Seyfi və Səməninin Əlipaşanın evinə gəlməyinin məqsədi oğulları Mailin nişanının qaytarılması idi, bu səbəbdən tərəflər arasında mübahisə baş verir. Tamaşanın əsas rollarından olan Mail səhvən Qəndabın yerinə Çiçəyi qaçırdır, amma daha sonra onlar arasında sevgi yaranır. Seyfi və Səməninin qızı Qəndab Bakıda gələn sevgilisi Fəqanla evlənir. 
Tamaşaçılar tərəfindən izlənən səhnə əsəri alqışlarla qarşılanıb.

Nəşr edilib : 18.12.2024 19:11