Naxçıvanda üçəm körpələr dünyaya gəlib

Naxçıvan Muxtar Respublikası Perinatal Mərkəzində üçəmlərin doğuş prosesi uğurla həyata keçirilib.

"Şərq qapısı" xəbər verir ki, tibb müəssisəsinə müraciət edən Culfa rayon sakini, 1998-ci il təvəllüdlü hamilə qadın 3 qız övladı dünyaya gətirib.

Körpələrin çəkiləri müvafiq olaraq 1 kilo 50 qram, 1 kilo 700 qram və 1 kilo 900 qramdır. Hazırda körpələrin vəziyyəti kafi qiymətləndirilir, onlar mərkəzin Yenidoğulmuşlar şöbəsində həkim nəzarəti altında saxlanılırlar.

Qeyd edək ki, üçəm körpələr ailənin ilk övladlarıdır.

Nəşr edilib : 12.05.2026 17:22

PAYLAŞ: