Naxçıvanda şəhid ailələri və qazilər üçün iftar süfrəsi açılıb

"Şərq qapısı" xəbər verir ki, martın 23-də "Naxçıvan Şəhid Ailələri" İctimai Birliyinin təşkilatçılığı və xeyriyyəçi iş adamı Səfər Əlirzayevin dəstəyi ilə "Naxçıvan Saray"da şəhid ailələri və qazilər üçün müqəddəs Ramazan ayı münasibətilə iftar süfrəsi açılıb.
Tədbirin əvvəlində Azərbaycan Respublikasının ərazi bütövlüyü, suverenliyi uğrunda canından keçən şəhidlərimizin əziz xatirəsi bir dəqiqəlik sükutla yad edilib, Dövlət Himni səsləndirilib. Daha sonra müqəddəs "Qurani-Kərim"dən ayələr oxunub, şəhidlərimizin əziz ruhlarına dualar edilib. Tədbirin davamında isə tanınmış sənətçilər Şəmistan Əlizamanlı, Sərxan Bünyadzadə və Samir Cəfərovun ifasında xalq və vətənpərvərlik mahnıları səsləndirilib.