Naxçıvanda ilk dəfə “Tullantıları ekoçantaya dəyiş” aksiyası keçirilib

Naxçıvan Muxtar Respublikası Ekologiya və Təbii Sərvətlər Nazirliyinin təşkilatçılığı, “NM” marketinin dəstəyi ilə “Tullantıları dəyərə, ekoçantanı vərdişə çevir!” devizi ilə keçirilən aksiya zamanı vətəndaşlar ümumi tutumu 122 litr olan plastik, 15 litr olan şüşə butulka və 47 ədəd işlənmiş batareya təhvil verərək əvəzində ekoçanta əldə ediblər.

Əhali arasında tullantıların çeşidlənməsinin önəmini vurğulamaq, təkrar emala dəstək olmaq məqsədilə keçirilən aksiyalarda fəal iştirak edən bütün vətəndaşlara təşəkkür edir, hər kəsi polietilen torbalar əvəzinə ekoçantalardan istifadəyə etməyə çağırırıq.