NAXÇIVAN :

27 Aprel 2025, Bazar

Naxçıvanda bayram namazının vaxtı açıqlanıb

...

Naxçıvanın bütün məscidlərində martın 30-da Ramazan bayramı münasibətilə bayram namazı  qılınacaq.
Bununla bağlı “Şərq qapısı”na açıqlamasında Naxçıvan Muxtar Respublikası qazısı Əli Orucov bildirdi ki, Qafqaz Müsəlmanları İdarəsinin məlumatına əsasən  Naxçıvan şəhəri, eyni zamanda muxtar respublikanın rayon və kəndlərindəki bütün məscidlər daxil olmaqla bayram namazının vaxtı saat 09:00-a təyin edilib.

Qeyd olunub ki, bu il Şəvval ayının 1-i Ramazan bayramı, Miladi təqvimlə martın 30-na təsadüf edir. Orucun mühüm əməllərindən biri olan fitrə zəkatının vaxtı Ramazan ayının son günü – bayram axşamı şam namazından sonradır. 
Qazılar Şurasının Fətvasına görə, adambaşına 10-15 manat fitrə zəkatının verilməsi tövsiyə olunur.

Nəşr edilib : 29.03.2025 10:02