NAXÇIVAN :

22 Noyabr 2024, Cümə

Naxçıvanda 100 illik yubileylə bağlı şahmat turniri keçirilib

...

Naxçıvan Muxtar Respublikasının 100 illik yubileyi münasibətilə təşkil olunan silsilə idman tədbirləri davam etdirilir. Muxtariyyətin 100-cü ildönümünə həsr olunmuş növbəti idman tədbiri olan məktəblilər arasında şahmat üzrə muxtar respublika birinciliyi də uğurla yekunlaşıb.
Oktyabrın 24-ü Naxçıvan Şahmat Mərkəzində 100 məktəblinin iştirakı ilə gerçəkləşən yarışda İsveçrə sistemi üzrə 9 turluq mübarizənin yekununda mükafatçıların adları bəlli olub. Dörd şahmatçının topladığı xal (7,5 xal) bərabər olduğundan yekun sıralama reytinq göstəricilərinə əsasən müəyyənləşdirilib. Bu halda Mirsaleh Seyidli yarışın qalibi olub. Yasin Əzimov ikinci, Ramal Həsənov isə üçüncü yerə sahib çıxıb. Elvin Hüseynli 4-cü sırada qərarlaşıb.
İlk üç yerin sahiblərinə diplom, medal və hədiyyələr, müxtəlif nominasiyalar üzrə fərqlənənlərə isə fəxri fərman və şahmat dərslikləri təqdim olunub. 
Naxçıvan Muxtar Respublikası Gənclər və İdman, Təhsil nazirlikləri tərəfindən birgə təşkil olunan yarış 100 illik yubileyin şahmatçılar arasında qeyd olunması, onların oyun təcrübəsinin artırılması və yeni istedadların kəşfi məqsədinə xidmət edib.
Nəşr edilib : 24.10.2024 19:25