NAXÇIVAN :

11 Aprel 2025, Cümə 14:02

Naxçıvan şəhərinin ümumi təhsil müəssisələrində imtahanlar təşkil olunub

...

Bu gün Dövlət İmtahan Mərkəzi tərəfindən  Naxçıvan şəhərinin ümumi təhsil müəssisələrində imtahanlar təşkil olunub. 
“Şərq qapısı” xəbər verir ki, imtahanlar əvvəlki il məzunları üçün qəbul imtahanı, mart ayında keçirilən buraxılış  imtahanında üzrlü səbəbdən iştirak edə bilməyən XI sinif şagirdləri üçün, tam orta təhsil səviyyəsi üzrə eksternat qaydasında  təhsil sənədi  almaq istəyənlər və müsabiqədə buraxılış imtahanında verdiyi xarici dildən fərqli dil üzrə iştirak etmək istəyən cari il məzunları  üçün əlavə xarici dil imtahanı keçirilir.
İmtahan Naxçıvan şəhərinin 5 ümumi təhsil müəssəsinin binasında  keçirilir. İmtahanda, ümumilikdə, 1543 nəfər  iştirak edir. İmtahanın idarə olunmasına 19 imtahan rəhbəri, 164 nəzarətçi cəlb olunub.
Qeyd edək ki, imtahan saat 11:00-da başlanıb və 3 saat davam edəcək.

Nəşr edilib : 06.04.2025 11:51