NAXÇIVAN :

04 Aprel 2025, Cümə

Naxçıvan regional “ASAN xidmət” mərkəzində vətəndaşlara 300-ə yaxın təhsil xidməti göstərilib

...

Yanvarın 21-dən  Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində olan Naxçıvan  regional “ASAN xidmət” mərkəzində ilk dəfə olaraq Naxçıvan Muxtar Respublikası Təhsil Nazirliyi tərəfindən 6 adda təhsil xidmətlərinin göstərilməsinə başlanılıb.
Qeyd edək ki, bu günə kimi mərkəzdə nazirliyin əməkdaşları tərəfindən vətəndaşlara  300-ə yaxın  təhsil  xidməti göstərilib. 
Məlumat üçün bildirək ki, mərkəzdə vətəndaşlara  məktəbəqədər təhsil müəssisələrinə və uşaqların məktəbəhazırlıq qruplarına elektron qeydiyyat, ümumi təhsil müəssisələrinin birinci siniflərinə şagird qəbulu, Peşə Təhsili müəssisələrinə tələbə qəbulu, şagirdlərin elektron yerdəyişməsi, təhsil sahəsində vətəndaş müraciətləri üzrə məsləhətçi xidmətləri göstərilir.
Onu da qeyd edək ki, mərkəzdə göstərilən  təhsil xidmətlərinin hər biri Təhsil Nazirliyi tərəfindən elektron qaydada ödənişsiz olaraq həyata keçirilir.

Nəşr edilib : 02.04.2025 10:02