NAXÇIVAN :

23 Noyabr 2024, Şənbə

Naxçıvan Muxtar Respublikasının Fövqəladə Hallar Nazirliyinin Dövlət Yanğından Mühafizə İdarəsinin şəhər və rayon hissələrində şagirdlər üçün “açıq qapı” günü keçirilib

...

"Şərq qapısı" xəbər veir ki, 10 Oktyabr Yanğınsöndürənlərin peşə bayramı günü əlaqədar Naxçıvan Muxtar Respublikasının Fövqəladə Hallar və Təhsil nazirliklərinin birgə təşkilatçılığı ilə keçirilən “açıq qapı” günündə 300-dən artıq şagird iştirak edib. 
Tədbirin keçirilməsində məqsəd məktəblilərin hərtərəfli inkişafına, onların fiziki və mənəvi cəhətdən sağlam yetişməsinə, onlarda təhlükəsiz həyat fəaliyyəti mədəniyyətinin, eyni zamanda, ilkin yanğın təhlükəsizliyi biliklərinin formalaşmasına və yanğınsöndürənlərin peşə fəaliyyəti barədə məlumatlılıq səviyyəsinin artırılmasına kömək etmək olub.
“Açıq qapı” günündə şagirdlərə yanğınsöndürənlərin günlük rejim qaydaları və hissələrin fəaliyyəti haqqında ətraflı məlumat verilib, onlara ilkin yanğınsöndürmə vasitələrindən istifadə qaydaları və əməkdaşların günlük məşqlərinin bir hissəsi də əyani şəkildə nümayiş etdirilib. Həmçinin, şagirdlər fövqəladə hallar zamanı istifadə olunan zəruri yanğınsöndürmə və digər qəza-xilasetmə texnika və avadanlıqları ilə yaxından tanış olublar. 
Sonda məktəblilərin sualları cavablandırılıb.
Nəşr edilib : 10.10.2024 18:00