NAXÇIVAN :

10 Mart 2025, Bazar ertəsi

Naxçıvan Muxtar Respublikası Nazirlər Kabineti tərəfindən Sərəncam imzalanıb

...

“Azərbaycan Respublikasında 2025-ci ilin “Konstitusiya və Suverenlik İli” elan edilməsi ilə bağlı Tədbirlər Planı”nın icrası ilə əlaqədar Naxçıvan Muxtar Respublikasında həyata keçirilməsi nəzərdə tutulan tədbirlərin Siyahısı”nın təsdiq edilməsi haqqında Naxçıvan Muxtar Respublikasının Baş naziri 7 mart 2025-ci il tarixdə Sərəncam imzalayıb.

Sərəncama əsasən Tədbirlər Planının icrası ilə əlaqədar Naxçıvan Muxtar Respublikasında həyata keçirilməsi nəzərdə tutulan tədbirlərin siyahısı təsdiq edilmişdir.

Sərəncamda aidiyyəti dövlət orqanları (qurumlar) nəzərdə tutulan siyahı üzrə görülmüş işlər barədə hər rübdən sonrakı ayın 10-dan gec olmayaraq Naxçıvan Muxtar Respublikası Nazirlər Kabinetinə məlumat təqdim etmələri müəyyən edilib.

Qeyd edək ki, Sərəncamın icrasına nəzarət Naxçıvan Muxtar Respublikası Nazirlər Kabineti Aparatının Humanitar  məsələlər şöbəsinə həvalə edilib.

Naxçıvan Muxtar Respublikası Nazirlər Kabinetinin

 mətbuat xidməti

Nəşr edilib : 10.03.2025 18:43