“GreenFest" konsert proqramı ilə başa çatıb

Naxçıvan şəhərindəki “Saat Meydanı” İstirahət Mərkəzində “GreenFest” keçirilib. Tədbir konsert proqramı ilə yekunlaşıb, Naxçıvan Şəhər Mədəniyyət İdarəsinin əməkdaşları və muxtar respublikanın məktəbdənkənar təhsil müəssisələrinin dərnək üzvləri xalq rəqsləri və mahnılar ifa ediblər.
Qeyd edək ki, tədbirin məqsədi əhalinin diqqətini ekoloji problemlərin birgə həllinə yönəltmək, muxtar respublikanın təbii resurslardan səmərəli istifadə imkanlarını və “yaşıl enerji potensialı”nı nümayiş etdirmək, eyni zamanda COP29 məqsədlərinə və “Yaşıl dünya naminə həmrəylik ili”nə töhfə verməkdir.