NAXÇIVAN :

23 Noyabr 2024, Şənbə

Gənclər Fondunun Naxçıvan filialının əməkdaşı Bişkekdə konfransda iştirak edib

...

"Şərq qapısı" xəbər verir ki, Azərbaycan Respublikası Gənclər Fondunun Naxçıvan filialının Gənclər təşkilatları və gənclərlə iş şöbəsinin aparıcı mütəxəssisi Çingiz Ağayev Qırğızıstanın paytaxtı Bişkekdə "İqlim dəyişikliyində ekoloji terrorun rolu: Qarabağ nümunəsində" mövzusunda keçirilən konfransda iştirak edərək mövzu ətrafında çıxış edib.

Konfrans Azərbaycan Respublikası Gənclər Fondunun dəstəyi, "Gəncliyin Sosial İqtisadi İnkişafına Yardım" İctimai Birliyinin təşkilatçılığı ilə Qırğızıstanın paytaxtı Bişkekdəki Yusif Balasaqunlu adına Qırğızıstan Milli Universitetində baş tutub.

Tədbirdə Qırğızıstanın ekologiya nazirinin müşaviri, universitet rəhbərliyi, Qırğızıstandakı səfirliyimizin müşaviri, Gənclər Fondunun nümayəndələri, media, QHT rəhbərləri və tələbələr iştirak edib. 

Qeyd edək ki, əməkdaşımız səfər çərçivəsində bir sıra tədbirlərdə də iştirak edib.

Nəşr edilib : 18.11.2024 12:31