NAXÇIVAN :

04 Aprel 2025, Cümə

Gənc aktyorların çıxışı maraqla qarşılanıb

...

Bayram günlərində şəhər sakinlərində və diyarımıza gələn qonaqlarda xoş əhvali-ruhiyyənin yaradılmasında yaxından iştirak edən Naxçıvan Dövlət Uşaq Teatrının gənc aktyorları da öz bacarıq və istedadlarını nümayiş etdiriblər. Onlar tərəfindən tədbir keçirilən məkanda  iştirakçılar üçün maraqlı səhnəciklər təqdim olunmuş, insanlara xoş ovqat bəxş edilmişdir. Quruluşçu rejissor, Azərbaycan Respublikasının Əməkdar artisti Nurbəniz Niftəliyevanın rəhbərliyi ilə “Bahar gəlir, yaz gəlir” adlı səhnəcikdə Novruzun simvolu olan Kosa və Keçəlin təqdimatında maraqlı anlar yaşanıb. Səhnəcikdə, həmçinin, Uzun, Səməni, Sülh göyərçini, Bahar qızı, Pəhləvan və başqa obrazlar uşaqların marağına səbəb olub.

Bayram münasibətilə təşkil edilmiş “Baharfest”də, həmçinin “Novruz yumurtası” tamaşası göstərilib.

                                                                      Türkanə ƏSƏDOVA

Nəşr edilib : 22.03.2025 17:15