NAXÇIVAN :

22 Aprel 2026, Çərşənbə

FHN: Şamaxıda baş verən zəlzələ nəticəsində dağıntı və ya insan xəsarəti ilə bağlı məlumat daxil olmayıb – YENİLƏNİB

...

Azərbaycan Milli Elmlər Akademiyası nəzdində Respublika Seysmoloji Xidmət Mərkəzindən Fövqəladə Hallar Nazirliyinin (FHN) Böhran Vəziyyətlərində İdarəetmə Mərkəzinə daxil olan məlumata əsasən, fevralın 27-də yerli vaxtla saat 15:52-də Şamaxı rayonunda 4, 7 maqnituda zəlzələ qeydə alınıb.

FHN-in mətbuat xidmətindən bildirilib ki, zəlzələ episentrdə 5 bala yaxın, ətraf rayonlarda 3-4 bala yaxın hiss olunub.

Zəlzələ nəticəsində dağıntı və ya insan xəsarəti barədə bu vaxtadək nazirliyə məlumat daxil olmayıb.

16:11

Fevralın 27-də Şamaxı rayonunda zəlzələ baş verib.

"Şərq qapısı" xəbər verir ki, bu barədə Azərbaycan Milli Elmlər Akademiyası nəzdində Respublika Seysmoloji Xidmət Mərkəzi məlumat yayıb.

Bildirilib ki, maqnitudası 4,7 olan zəlzələ yerli vaxtla saat 15:52-də qeydə alınıb.

Zəlzələlərin Tədqiqatı Bürosunun məlumatına əsasən, zəlzələ ocağının dərinliyi 12 kilometr olub.

Nəşr edilib : 27.02.2026 16:44