NAXÇIVAN :

07 Iyul 2026, Çərşənbə axşamı

FHN gözlənilən küləkli hava şəraiti ilə əlaqədar çimərliklərə gedən vətəndaşlara müraciət edib

...

Fövqəladə Hallar Nazirliyi (FHN) gözlənilən küləkli hava şəraiti ilə əlaqədar çimərliklərə üz tutan vətəndaşlara müraciət ünvanlayıb.
Bu barədə “Şərq qapısı”na FHN-in mətbuat xidmətindən məlumat verilib.
Bildirilib ki, iyulun 7-də və 8-də Bakıda və Abşeron yarımadasında küləkli hava şəraitinin olacağını nəzərə alaraq, FHN əhaliyə müraciət edərək, küləkli havada dənizə girməyin təhlükəli olduğunu bir daha xatırladır və müvafiq təhlükəsizlik qaydalarına ciddi riayət etməyə çağırır.
“Unutmayın: Qaydalara biganəlik həyatımıza təhlükədir. Təhlükə zamanı 112-yə zəng edin”, - deyə müraciətdə vurğulanıb.

Nəşr edilib : 06.07.2026 18:59