NAXÇIVAN :

17 Yanvar 2025, Cümə

"Əsgər marşına aşiq qəhrəman" kitabının təqdimatı olub

...

Yanvarın 16-da II Qarabağ müharibəsində şəhidlik zirvəsinə ucalmış şəhid əsgər Ülvi Habil oğlu Cəfərovun doğum günü və ona həsr olunmuş "Əsgər marşına aşiq qəhrəman" adlı kitabın təqdimatı ilə bağlı tədbir keçirilib. 
Kəngərli rayon Mədəniyyət Sarayında keçirilən tədbir Azərbaycan Respublikasının ərazi bütövlüyü uğrunda şəhid olmuş vətən övladlarının xatirəsinin bir dəqiqəlik sükutla yad edilməsi və Dövlət Himninin səsləndirilməsi ilə başlayıb. Daha sonra dini icmanın üzvü tərəfindən Qurani-Kərimdən ayələr oxunub.
Kəngərli Rayon İcra Hakimiyyəti başçısının müavini Hacırəddin Mehbalıyev çıxış edərək, Müzəffər Ali Baş Komandan İlham Əliyevin rəhbərliyi ilə Azərbaycan Ordusunun əldə etdiyi tarixi qələbədən danışıb. O, həmçinin ölkəmizdə şəhid ailələrinə, qazilərə və müharibə iştirakçılarına göstərilən yüksək dövlət qayğısını vurğulayıb.
Sonra Naxçıvan Dövlət Texniki Kollecin direktoru Asəf Ruşanov, Naxçıvan Şəhid Ailələri İctimai Birliyinin sədri Mayis Gülməmmədov, şəhid Ülvi Cəfərovun atası Habil Cəfərov, şəhid İslam Eyvazovun anası Aytən Eyvazova və kitabın müəllifi İlkanə Hüseynova çıxış ediblər.
Tədbirdə Texniki Kollecin tələbələri şəhid Ülvi Cəfərovun xatirəsinə həsr olunmuş bədii kompozisiya nümayiş etdirib, məktəblilər tərəfindən şeirlər söylənilib, mahnılar ifa edilib.
Sonda Naxçıvan Dövlət Texniki Kollecinin tələbəsi İlkanə Hüseynovanın müəllifi olduğu "Əsgər marşına aşiq qəhrəman" adlı kitabın təqdimatı keçirilib.

Nəşr edilib : 17.01.2025 17:17