NAXÇIVAN :

16 Sentyabr 2026, Çərşənbə

Dövlət Statistika Komitəsi ilk dəfə ISO 9001:2015 sertifikatı alıb

...

Naxçıvan Muxtar Respublikası Dövlət Statistika Komitəsi Aparatının “Rəsmi statistika məlumatlarının istehsalı və yayılması” sahəsində fəaliyyəti ISO 9001:2015 beynəlxalq standartının tələblərinə uyğunluğu təsdiq edən sertifikatla qiymətləndirilib.

Sertifikat komitənin qeyd olunan sahədə fəaliyyətinin beynəlxalq standartın tələblərinə uyğunluğunun müəyyən edilməsi məqsədilə keçirilən sertifikatlaşdırma auditinin nəticələrinə əsasən təqdim olunub.

2026-cı ilin may ayında keçirilən audit sınaq, təftiş və sertifikatlaşdırma sahəsində beynəlxalq səviyyədə tanınmış “SGS” şirkətinin yerli nümayəndəsi – “SGS Azerbaijan” MMC-nin audit qrupu tərəfindən aparılıb.

Beləliklə, Naxçıvan Muxtar Respublikası Dövlət Statistika Komitəsinin Aparatı ilk dəfə “Rəsmi statistika məlumatlarının istehsalı və yayılması” sahəsində ISO 9001:2015 beynəlxalq standartının tələblərinə uyğunluğunu təsdiq edən sertifikata layiq görülüb.

Nəşr edilib : 16.09.2026 14:29