NAXÇIVAN :

23 Noyabr 2024, Şənbə

Culfa rayonunda Yeni Azərbaycan Partiyasının yaranmasının 32-ci illiyi ilə bağlı tədbir keçirilib

...

"Şərq qapısı" xəbər verir ki, Yeni Azərbaycan Partiyası Culfa Rayon Təşkilatında partiyanın 32-ci ildönümü ilə bağlı tədbir keçirilib. 
Tədbirdə əvvəlcə Ümummilli  Lider   Heydər Əliyevin və ölkəmizin ərazi bütövlüyü uğrunda canlarından keçmiş  şəhidlərimizin əziz xatirəsi bir dəqiqəlik sükutla yad edilib. 
Yeni Azərbaycan Partiyası Culfa Rayon Təşkilatının sədri Qadir İbrahimov çıxış edərək partiyanın yaranmasından, keçdiyi yoldan, qarşısında duran vəzifələrdən danışıb.
Tədbirdə Culfa Rayon İcra Hakimiyyətinin şöbə müdiri, ərazi partiya təşkilatının sədri Ruslan Cəfərov, Yaycı kənd ərazi partiya təşkilatının sədri Vaqif Abdullayev, Bənəniyar kənd ərazi partiya təşkilatının sədri Duvangir Əhmədov, Culfa şəhər uşaq musiqi məktəbi ərazi partiya təşkilatının sədri Şükufə Bağırova və Yeni Azərbaycan Partiyasının gənc üzvü Günel Mustafayeva çıxış ediblər. 
Sonda bir qrup gənc partiya üzvünə Yeni Azərbaycan Partiyasının üzvlük vəsiqələri təqdim olunub.

Nəşr edilib : 21.11.2024 14:59