NAXÇIVAN :

26 Noyabr 2024, Çərşənbə axşamı

Beynəlxalq Yaşıl STEAM Azərbaycan Festivalında və VII Robot Olimpiadasında qalib olan şagirdlərlə görüş keçirilib

...

"Şərq qapısı" xəbər verir ki, oktyabrın 31-də STEAM Təlim-Tədris Mərkəzində Beynəlxalq Yaşıl STEAM Azərbaycan Festivalında  və VII Robot Olimpiadasında  qalib olan şagirdlərlə görüş keçirilib.P
Görüşdə Naxçıvan Muxtar Respublikasının təhsil naziri Elxan Nəcəfov qalib komandaları təbrik edərək bildirib ki, 15 ölkədən 900-dən çox iştirakçının qatıldığı Beynəlxalq Yaşıl STEAM Azərbaycan Festivalının   final mərhələsində  komandamızın I yerin qalibi olması  böyük uğurdur. 
Qeyd olunub ki, Gənclər və İdman Nazirliyinin, Dünya Robot Olimpiadası Assosiasiyasının və Azərbaycan Robototexnika Mühəndisliyi Akademiyasının birgə təşkilatçılığı ilə keçirilən  VII Robot Olimpiadasında   160-dan çox komanda iştirak edib, həmin yarışda da komandamız uğurlu nəticə əldə edərək 3 yerin qalibi olub. Qeyd olunub ki, bu uğurlar muxtar respublikanın ümumtəhsil  məktəblərində və STEAM Təlim-Tədris Mərkəzində    STEAM tədrisinin uğurlu nəticəsidir. 
Elxan Nəcəfov növbəti yarışlarda  komanda sayının artırılması və daha yaxşı hazırlaşmağı tapşırıb. 
Görüşdə qalib olan komandanın üzvlərinə hədiyyələr təqdim olunub.

Nəşr edilib : 31.10.2024 20:42