NAXÇIVAN :

21 Noyabr 2024, Cümə axşamı

Azərbaycan Respublikasının Əməkdar artisti Qurban Qasımovun Xatirə gecəsi keçirilib

...

25 oktyabr tarixdə Naxçıvan Dövlət Filarmoniyasının təşkilatçılığı ilə Naxçıvan şəhər “Gənclik” Mərkəzində Azərbaycan Respublikasının Əməkdar artisti, xanəndə Qurban Qasımovun xatirəsinə həsr olunmuş tədbir keçirilib.
Tədbiri giriş sözü ilə açan Naxçıvan Muxtar Respublikası Mədəniyyət Nazirliyi Aparatının əməkdaşı Həcərxanım Məmmədova Qurban Qasımovun həyat və yaradıcılığından bəhs edib. Vurğulanıb ki, Qurban Qasımov 1989-cu ildə Qarabağda keçirilən “Xarıbülbül” festivalında Naxçıvan xanəndəlik sənətini layiqincə təmsil edib.
O qeyd edib ki, Qurban Qasımovun fəaliyyəti daim dövlət tərəfindən yüksək qiymətləndirilib. O, dəfələrlə Naxçıvan Muxtar Respublikası Mədəniyyət Nazirliyinin Diplom və Fəxri fərmanları ilə təltif edilib.
Sonra xanəndənin sənət dostları –  Azərbaycan Respublikasının Əməkdar artisti Elman Əliyev, Azərbaycan Respublikasının Əməkdar mədəniyyət işçisi İmamqulu Əhmədov və  Azərbaycan Respublikasının Xalq artisti Kamran Quliyev onunla bağlı xatirələrini tamaşaçılarla bölüşüb.
Tədbirin bədii hissəsində Naxçıvan Dövlət Filarmoniyasının ansamblının müşayiətilə Azərbaycan Respublikasının Əməkdar artisti Zeynalabdin Babayev, Naxçıvan Muxtar Respublikasının Əməkdar artistləri – Xatirə Səfərova, Zülfiqar Mahmudov, Hünər Əliyevlə yanaşı, Habil Qasımov, Əbülfəz Məmmədli və digər sənətkarlar  tərəfindən       “Şuşanın dağları”, ”Rast” təsnifi, “ Şikəsteyi-fars” təsnifi, “Yaxan düymələ”, “Mahur” təsnifləri kimi musiqi nömrələri səsləndirilib.
Sonda konsert proqramı tamaşaçılar tərəfindən alqışlarla qarşılanıb.
Nəşr edilib : 25.10.2024 17:44