NAXÇIVAN :

30 Noyabr 2024, Şənbə

Abbas İsmayılov: “Naxçıvanda KOB subyektlərinin sayı 57,3 faiz artıb”

...

"Bu gün Naxçıvanda fəaliyyətdə olan sahibkarların böyük əksəriyyətini KOB subyektləri təşkil edir. KOB subyektləri əsasən ticarət, kənd təsərrürfatı, tikinti, emal, logistika, sənaye, turizm, ictimai iaşə, nəqliyyat və digər sahələrdə fəaliyyət göstərirlər".
"Şərq qapısı" xəbər verir ki, bu sözləri Naxçıvanda keçirilən “KOB FEST” sərgi-satış yarmarkasında Naxçıvan Muxtar Respublikanın iqtisadiyyat nazirinin müavini, nazir vəzifələrini müvəqqəti icra edən Abbas İsmayılov deyib.
Nazir müavini bildirib ki, 1 oktyabr 2024-cü il tarixə muxtar respublikada 19729 mikro, 309 kiçik və 91 orta sahibkarlıq subyekti olmaqla, ümumilikdə 20129 aktiv KOB subyekti fəaliyyət göstərir ki, bu da ilin əvvəli ilə müqayisədə 57,3 faiz, o cümlədən mikro 59,0 faiz, kiçik 4,0 faiz və orta sahibkarlıq subyekti isə 3,4 faiz çoxdur.

Nəşr edilib : 04.10.2024 13:13