NAXÇIVAN :

28 Aprel 2025, Bazar ertəsi

2 aprel – Dünya Autizm Məlumatlandırma Günü ilə əlaqədar maarifləndirici tədbir keçirilib

...

2 aprel – Dünya Autizm Məlumatlandırma Günü ilə əlaqədar Naxçıvan şəhər 7 nömrəli tam orta məktəbdə şagirdlər, məktəb psixoloqları, müəllim və valideynlərin iştirakı ilə  "Autizm xəstəlik deyil, fərqlilikdir" mövzusunda maarifləndirici tədbir keçirilmişdir. 
Tədbiri giriş sözü ilə Naxçıvan Şəhər İcra Hakimiyyətinin əməkdaşı Orxan Məhərrəmli açaraq autizmli fərdlərin cəmiyyətə inteqrasiyasının əhəmiyyətini vurğulamış və bu istiqamətdə maarifləndirmə işlərinin  vacibliyini qeyd etmişdir. O, autizmli uşaqların cəmiyyətin ayrılmaz bir hissəsi olduğunu və onların xüsusi qayğıya ehtiyacı olduğunu bildirmişdir.
Daha sonra Naxçıvan Muxtar Respublikası Ailə, Qadın və Uşaq Problemləri üzrə Dövlət Komitəsinin əməkdaşı Elsun Cahangirli çıxış edərək autizm spektr pozuntusunun nevroloji bir fərqlilik olduğunu və onun xəstəlik kimi qəbul edilməsinin yanlış olduğunu qeyd etmişdir. O, autizmin insan beyninin fərqli işləmə tərzi olduğunu və bu fərqliliyin düzgün dəstəkləndiyi halda cəmiyyətə böyük töhfə verə biləcək bir potensiala çevrilə biləcəyini vurğulamışdır. Həmçinin autizmli uşaqların cəmiyyətə inteqrasiyasının praktiki aspektlərindən danışaraq onların sosial bacarıqlarını inkişaf etdirmək üçün xüsusi proqramların və təşəbbüslərin həyata keçirilməsinin zəruriliyini vurğulamışdır. 
Naxçıvan Muxtar Respublikası Təhsil Nazirliyinin əməkdaşı Elxan Babayev çıxışında autizmli uşaqların təhsil sisteminə inteqrasiyasının əhəmiyyətindən bəhs etmiş və inklüziv təhsilin bu sahədəki rolu barədə ətraflı məlumat vermişdir. O, autizmli uşaqların öz bacarıqlarını inkişaf etdirməsi üçün onlara fərdi yanaşmanın və xüsusi metodların tətbiqinin vacibliyini vurğulamışdır. Eyni zamanda bu məsələdə maarifləndirilmənin cəmiyyət üçün mühüm əhəmiyyət kəsb etdiyini qeyd etmişdir. 
Naxçıvan Şəhər Təhsil Şöbəsinin əməkdaşı Həmidə Qoçəliyeva isə çıxışında autizmli uşaqların cəmiyyətə adaptasiyasında ailənin rolu və sosial dəstəyin əhəmiyyəti barədə danışmışdır. O, ailələrin autizmli övladlarına qarşı anlayışlı və səbirli yanaşmasının onların inkişafına böyük təsir göstərdiyini bildirmişdir. Həmçinin cəmiyyətin autizmli fərdlərə qarşı daha inklüziv və dəstəkləyici yanaşmasının vacibliyini qeyd etmişdir.
50 nəfərin iştirak etdiyi tədbirdə mövzu ilə bağlı videoçarx nümayiş olunub və şagirdləri maraqlandıran suallar cavablandırılıb.

Nəşr edilib : 02.04.2025 18:40