NAXÇIVAN :

03 May 2026, Bazar

Naxçıvanda qarın hündürlüyü 61 sm təşkil edir

...

Naxçıvan Muxtar Respublikası Ekologiya və Təbii Sərvətlər Nazirliyinin Hidrometeorologiya Mərkəzindən "Şərq qapısı"na verilən məlumata əsasən yanvarın 19-u muxtar respublika ərazisində qarlı və şaxtalı hava şəraiti davam edir.
Qar örtüyünün hündürlüyü Ordubad rayonunun yüksək dağlıq ərazilərində (3000 m) 61, Parağaçay Qar Uçqunu Stansiyasında (Ordubad) 24, Biçənəkdə (Şahbuz) 35, Sədərəkdə 4, Kəngərlidə 4, Şərurda 5, Axurada (Şərur) 7 sm-dir.
Naxçıvan şəhərinə isə günün ikinci yarısı qar yağacağı ehtimal olunur.
 Havanın temperaturu Naxçıvan Muxtar Respublikasında 11 dərəcəyədək şaxta qeydə alınıb. Muxtar respublika ərazisində qarlı hava şəraitinin yanvarın 21-dək fasilələrlə davam edəcəyi gözlənilir.

Nəşr edilib : 19.01.2026 12:35