NAXÇIVAN :

02 May 2026, Şənbə

Xalq şairi Məmməd Arazın anadan olması münasibətilə şairin Şahbuz rayonunda yerləşən ev-muzeyində tədbir keçirilib

...

Tədbiri giriş sözü ilə açan muzeyin direktoru Əzizə Süleymanova bildirib ki, Xalq şairi Məmməd Araz çoxcəhətli və zəngin ədəbi irsinə, sənətkarlıq qüdrətinə görə Azərbaycan ədəbiyyatında özünəməxsus yeri və mövqeyi olan söz ustasıdır. Dahi şairin yaradıcılığının bütün dövrlərdə aktual olduğu, dövlətimiz tərəfindən hər zaman yüksək qiymətləndirildiyi, gələcək nəsillərə nümunə olan şairin ölməz irsinin öz əhəmiyyətini heç bir dövrdə itirmədiyi qeyd edilib.
Nursu kənd tam orta məktəbinin direktoru Samirə Hümbətova çıxış edərək diqqətə çatdırıb ki, ana dilimiz bütün zənginliyi, dərinliyi, əlvanlığı ilə məhz onun yaradıcılığında vətəndaşlıq məhəbbəti qazanıb. Onun vətən duyğulu şeirləri poeziyamızda özünəməxsus yer tutur. 
Sonra Nursu kənd tam orta məktəbinin müəllimləri  Elvin İbrahimov və Qadir İbrahimovun çıxışları dinlənilib. Çıxışlarda qeyd olunub ki,  Naxçıvan Muxtar Respublikasında Xalq şairi Məmməd Arazın yaradıcılığına daim yüksək qiymət verilir. Vurğulanıb ki, Xalq şairi Məmməd Araz müasir dövr Azərbaycan lirikasının poetik zirvəsini fəth edən və bu zirvədə əbədi yaşamaq haqqı qazanan qüdrətli şair, publisist, filosof və sözün həqiqi mənasında, layiqli vətəndaşdır. 
Tədbirin bədii hissəsində Nursu kənd tam orta məktəbinin şagirdlərinin ifasında şairin şeirləri qiraət olunub. 
Sonda muzeyin ekspozisiyasına baxış keçirilib.

Nəşr edilib : 14.10.2025 15:36