NAXÇIVAN :

23 Aprel 2026, Cümə axşamı

“Suların istifadəsi və mühafizəsi” mövzusunda maarifləndirmə tədbiri keçirilib

...

Azərbaycan Dövlət Su Ehtiyatları Agentliyi yanında Suların İstifadəsinə və Mühafizəsinə Dövlət Nəzarət Xidməti və Babək Rayon İcra Hakimiyyətinin birgə təşkilatçılığı ilə “Suların istifadəsi və mühafizəsi” mövzusunda maarifləndirmə tədbiri keçirilib.
Tədbirdə Suların İstifadəsinə və Mühafizəsinə Dövlət Nəzarəti Xidmətinin 14 saylı Naxçıvan regional bölməsinin rəisi Səttar Nəsirov, Babək Rayon İcra Hakimiyyətinin sektor müdüri Allahyarov Ramin, yerli idarə və müəssisə rəhbərləri, icra nümayəndələri və bələdiyyə sədrləri iştirak ediblər. 
Tədbir zamanı suyun resurslarının qorunması, səmərəli istifadəsi, əhalinin təmiz su ilə təmin olunması, israfçılığın qarşısının alınması və gələcək nəsillər üçün dayanıqlı su təminatının yaradılmasının əhəmiyyəti xüsusi vurğulanıb.

Nəşr edilib : 19.01.2026 18:30