NAXÇIVAN :

19 Oktyabr 2026, Bazar ertəsi

Qazaxıstanın Manqistau vilayətinin rəhbəri və Türkiyə diplomatı Orta Dəhlizi müzakirə ediblər

...

Qazaxıstanın Manqistau vilayətinin rəhbəri Nurdaulet Kilıbay Aktauda Türkiyənin baş konsulu Emre Biral ilə görüşüb. Tərəflər iqtisadi-ticari əlaqələrin inkişafı, investisiyaların cəlb edilməsi, nəqliyyat-logistika, turizm və mədəni-humanitar sahələrdə əməkdaşlıq məsələlərini müzakirə ediblər.

"Şərq  qapısı" Manqistau vilayəti rəhbərinin mətbuat xidmətinə istinadla xəbər verir ki, Nurdaulet Kilıbay Aktau şəhərinin Orta Dəhlizdə aparıcı nəqliyyat və logistika mərkəzi kimi potensialını artırmaq üçün infrastrukturun inkişafının planlaşdırıldığını qeyd edib.

Türkiyənin baş konsulu Manqistau bölgəsinin Orta Dəhlizdəki mühüm rolunu vurğulayıb, həmçinin humanitar və təhsil sahələri də daxil olmaqla əməkdaşlığın genişləndirilməsində maraqlı olduğunu bildirib.

Regional administrasiyanın məlumatına görə, Manqistau bölgəsi ilə Türkiyə arasında ticarət dövriyyəsi 2026-cı ilin yanvar-avqust ayları ərzində 16 milyon dollar təşkil edib ki, bunun da 11 milyon dolları ixrac, 5 milyon dolları isə idxal olub. Bölgədə Türkiyə kapitalı ilə 118 müəssisə qeydiyyatdan keçib.

Nəşr edilib : 14.10.2026 14:22