NAXÇIVAN :

05 Aprel 2025, Şənbə

Naxçıvandakı İlham Əliyev adına Olimpiya İdman Kompleksi təmir olunur

...

"Hazırda Naxçıvan şəhərindəki İlham Əliyev adına Olimpiya İdman Kompleksində (Üzgüçülük Mərkəzi daxil olmaqla) dövlət satınalması əsasında təmir işləri həyata keçirilir. Bu, xüsusən də Üzgüçülük Mərkəzinin ilin istənilən fəslində keyfiyyətli və davamlı xidmət göstərməsi üçün əsaslı zəmin yaradır".

“Şərq qapısı” xəbər verir ki, bu sözləri Naxçıvan Muxtar Respublikası gənclər və idman nazirinin müavini, nazir vəzifəsini müvəqqəti icra edən Məcid Seyidov 2024-cü ilin yekunları və qarşıda duran vəzifələrə dair mətbuat konfransında deyib.

Nazir müavini qeyd edib ki, Naxçıvan Muxtar Respublika Stadionunun beynəlxalq yarışlarının keçirilməsi, idmançılar, eləcə də tamaşaçılar üçün rahat və təhlükəsiz şəraitin yaradılması, stadionunun FİFA və UEFA standartlarına uyğunlaşdırılması, mövcud çatışmazlıqların aradan qaldırılması və müasir tələblər səviyyəsində yenidən qurulması məqsədilə stadionda təmir-bərpa və yenidənqurma işləri aktualdır. Hazırda yenidənqurma prosesinin ilkin mərhələləri icra olunur və yaxın günlərdə texniki rəy sənədi təqdim ediləcək. Bu rəy əsasında növbəti addımlar müəyyənləşdiriləcək və əsaslı təmir işlərinin aparılması üçün layihə-smeta sənədlərinin hazırlanmasına başlanacaq.

Nəşr edilib : 05.03.2025 14:51