Naxçıvanda “Uşaq Hüquqları Aylığı” çərçivəsində tədbirlər keçirilir

Naxçıvan Muxtar Respublikası Mədəniyyət Nazirliyinin tabeliyində fəaliyyət göstərən müəssisələrdə “Uşaq Hüquqları Aylığı” ilə əlaqədar olaraq silsilə tədbirlər keçirilir.

Tədbirlərdə dövlət tərəfindən uşaqların hüquqlarının qorunması istiqamətində həyata keçirilən işlər, uşaqların sağlam mühitdə yetişməsinin əhəmiyyəti haqqında danışılır, davranış qaydalarına dair hüquqi maarifləndirməni əks etdirən təqdimatlar olunur.

Qeyd edək ki, Ombudsman tərəfindən “Uşaq hüquqları haqqında” Konvensiyanın qəbul edilməsinin ildönümü ərəfəsində oktyabrın 20-dən noyabrın 20-dək ölkədə “Uşaq Hüquqları Aylığı” elan edilib.