Naxçıvanda təhsil müəssisələrində dezinfeksiya tədbirlərinə başlanılıb

Naxçıvan Muxtar Respublikası Təhsil Nazirliyinin tabeliyində fəaliyyət göstərən təhsil müəssisələrində dezinfeksiya işlərinə başlanılıb.

Dezinfeksiya tədbirlərinin aparılmasında məqsəd infeksion və mövsümi xəstəliklərə, viruslara qarşı yoluxma hallarının qarşısının alınması, bu sahədə aparılan müvafiq profilaktiki tədbirlərin effektivliyinin yüksəldilməsidir.

Dezinfeksiya işləri Təhsil Nazirliyi ilə bağlanmış müqavilə əsasında "Dezon" şirkəti tərəfindən aparılır.
Qeyd edək ki, dezinfeksiya işlərində istifadə olunan maddələrin insan sağlamlığına heç bir zərəri yoxdur.