NAXÇIVAN :

06 Aprel 2025, Bazar

Naxçıvanda “Fotojurnalistika” mövzusunda təlim keçiriləcək

...

"Şərq qapısı" xəbər verir ki, 5-7 mart tarixlərdə Naxçıvanda fotojurnalistika sahəsinə marağı olanlar üçün əhəmiyyətli bir təlim keçiriləcək. Azərbaycan Fotoqraflar Birliyinin təsisçisi, tanınmış fotoqraf Mirnaib Həsənoğlunun təqdim edəcəyi bu təlim iştirakçılara peşəkar fotojurnalistikanın əsas prinsiplərini, reportaj çəkilişlərinin incəliklərini və foto vasitəsilə hadisələri düzgün çatdırmağın yollarını öyrədəcək.

Naxçıvan Təlim Mərkəzi və “Şərq qapısı” qəzetinin birgə təşkilatçılığı ilə baş tutacaq təlimdə bir sıra dövlət qurumlarında fəaliyyət göstərən fotoqraflar da iştirak edəcək. Tədbirin əsas məqsədi regionda fotoqrafiya sahəsində fəaliyyət göstərən şəxslərin bilik və bacarıqlarını artırmaq, onların müasir fotojurnalistika trendləri ilə tanış olmalarına şərait yaratmaqdır.

Təlim müddətində iştirakçılar nəzəri biliklərlə yanaşı, praktiki məşğələlərdə də iştirak edərək real çəkiliş təcrübəsi qazanacaq, ustad fotoqrafın tövsiyələrindən yararlanaraq peşəkar yanaşma metodlarını mənimsəyəcəklər. Tədbir fotoqrafiyaya marağı olan hər kəs üçün açıqdır və iştirakçılara sertifikat təqdim olunacaq.

Fotojurnalistikaya dair biliklərini artırmaq və bu sahədə öz bacarıqlarını inkişaf etdirmək istəyənlər üçün bu, böyük fürsət olacaq.

Nəşr edilib : 04.03.2025 18:03